Кытай - Кыргызстан - Өзбекстан темир жолу боюнча ТЭН 2023-жылдын 1-июнуна чейин бүтүш керек

Назира Абдиева

21 дек. 2022 17:48

Техникалык экономикалык негиздеме (ТЭН) боюнча бардык жумуштар, анын ичинде аны баалоо 2023-жылдын 1-июнуна чейин бүтүшү керек. Бул тууралуу Экономика министрлигинин маалымат кызматы билдирди.

Бул каттам Кытайдан Кыргызстанга, ошондой эле Борбор Азия жана Жакынкы Чыгыш өлкөлөрүнө, анын ичинде Түркияга жана андан ары Европа Биримдигине товарларды жеткирүүнү камсыздай алат.

Долбоор жүктөрдү жеткирүүнүн аралыгын жана убактысын (700 км жана ташуу убактысы 10 күнгө чейин) кыскартуу аркылуу транзиттик ташуулардын эл аралык рыногунда атаандаштыкка жөндөмдүүлүктү жогорулатат. 1000ден ашык адам иш менен камсыз кылынат.

Ошондой эле 2022-жылдын июнь-июль айларындагы сүйлөшүүлөрдүн жүрүшүндө тараптар Кытай-Кыргызстан-Өзбекстан темир жолунун КРнын аймагы аркылуу өтүүчү бөлүгүн куруунун техникалык-экономикалык негиздемесин иштеп чыгууну макулдашышканы белгиленген.

Эскерте кетсек, 2022-жылдын 14-сентябрында Өзбекстандын Самарканд шаарында Шанхай Кызматташтык Уюмунун Саммитинин алкагында Кытай-Кыргызстан-Өзбекстан темир жолун куруу долбоору (Кыргызстандын аймагындагы участок) боюнча кызматташуу боюнча Кытай Эл Республикасынын өнүктүрүү жана реформа боюнча мамлекеттик комитети, КРнын Транспорт жана коммуникациялар министрлиги менен ӨРнын Транспорт министрлигинин ортосунда меморандумга кол коюлган.

Документте КРнын аймагындагы Торугарт – Арпа – Макмал – Жалал-Абад каттамынын бириктирилген варианты боюнча Кытай-Кыргызстан-Өзбекстан темир жолун куруу долбоорунун техникалык-экономикалык негиздемесин ийгиликтүү бүтүрүүгө биргелешип көмөк көрсөтүү каралган.

Тараптар Кыргызстанда ТЭН жүргүзүүдө Кытай темир жол корпорациясынын Биринчи долбоорлоо-изилдөө институтуна активдүү кызматташып, биргелешип колдоо көрсөтүшөт. ТЭН боюнча бардык иштерди аяктоо мөөнөтү (баалоо убактысын кошкондо) 2023-жылдын 1-июнунан кеч эмес болушу керек.

Мындан тышкары окуңуз

Кыргызстанда 2026-жылы 268 трансформатор орнотулат

2026-жылы "Кыргызстан улуттук электр тармагы" ААК 268 трансформатор сатып аларын Энергетика министрлигинен билдиришти. Анын ичинен жогорку чыңалуудагы 35-110 кВ тармактарында 20 көмөк чордондо күч трансформаторлорунун кубаттуулугу кошумча 256 мегавольт-амперге( МВА) көбөйтүлөт: * Бишкек шаарында — 2; * Жалал-Абад облусунда — 5; * Ысык-Көл облусунда — 5; * Нарын облусунда — 2; * Талас облусунда — 2; * Чүй облусунда

Кыргызстанда QR төлөм жүгүртүүсү бир жылда 10 эсеге көбөйгөн

Кыргызстанда QR-төлөмдөрдүн жүгүртүүсү рекорддук көрсөткүчкө жеткенин Улуттук банк билдирди. Жөнгө салуучунун маалыматына ылайык, 2025-жылы соода жана тейлөө ишканаларында 114,1 миң QR-код орнотулган. Бул 2024-жылга салыштырмалуу 95,3%га көп. Негизги оператор аркылуу бир жыл ичинде 908,6 млрд сом суммасында 525,1 млн транзакция жүргүзүлгөн. 2024-жылга салыштырмалуу операциялардын саны

Акыркы 5 жылда бюджет мүмкүнчүлүктөрү 3,5 эсеге кеңейди

2021-2025-жылдар аралыгында Кыргыз Республикасынын консолидацияланган бюджетинин ресурстары туруктуу өсүштү көрсөттү. Тактап айтканда, көрсөткүчтөр 313,1 млрд сомдон 1 101,4 млрд сомго чейин көбөйүп, беш жыл ичинде 3,5 эсеге өстү. Бул фискалдык саясаттын натыйжалуулугун жана мамлекеттик киреше булактарынын олуттуу кеңейгенин тастыктайт. Бул тууралуу Финансы министрлигинен билдиришти. Маалыматтарга ылайык, мамлекеттик

АКШ Бириккен улуттар уюмуна дээрлик 4 млрд доллар карыз

БУУ Американын дээрлик 4 млрд доллар карызынын канча бөлүгүн Трамптын администрациясы төлөй турганын жана ал качан берилерин тактоону күтүп жатканын билдирди деп маалымдайт Kazinform. Өткөн жумада БУУнун башкы катчысы Антониу Гутерриш уюмдун финансылык эрежелери өзгөртүлбөсө же 193 мүчө мамлекет өз мүчөлүк акыларын төлөбөсө, БУУ жакын арада финансылык кризиске кабыларын эскертти.