Бир айда Кыргызстандын мамлекеттик карызы 131 млн долларга өстү
Кыргызстандын мамлекеттик карызы (тышкы жана ички) 2022-жылдын ноябрь айынын акырына карата 5 млрд 349.8 млн долларды (451 млрд 777.6 млн сом) түздү. Мындай маалыматты Финансы министрлиги жарыялады.
Өткөн жылдын октябрь айында бул сумма 5 млрд 218.6 млн долларды түзгөн. Ал эми ноябрь айында мамлекеттин тышкы жана ички кредиторлорго болгон карызынын көлөмү дагы 131.2 млн долларга көбөйүп, 5 млрд 349.8 млн долларды түздү.
Милдеттенмелер тышкы кредиторлордун алдында (85 млн долларга), ички кредиторлорго (46.5 млн долларга) көбөйгөн.
Мамлекеттик карыздын түзүмү:
- тышкы карыз — 4 млрд 275.8 млн доллар (80%)
- ички карыз — 1 млрд 74 млн доллар (20%)
