Акылбек Жапаров быйыл экономиканын реалдуу секторун өнүктүрүүгө 20-50 млрд сом багытталарын убадалады
Минкабдын төрагасы Акылбек Жапаров минкабдын 2023-жылдагы алгачкы жыйынын өткөрүп, анда быйыл экономиканын реалдуу секторун өнүктүрүүгө 20-50 млрд сом багыттала тургандыгын билдирди.
Минкабдын маалымат кызматы билдиргендей, жыйында Жапаров эки жылдын ичинде өлкөнүн ИДПсы 50%га өскөнүн, консолидацияланган бюджет 438.1 млрд сомду түзгөнүн айтты.
“Консолидацияланган бюджеттин ресурстук бөлүгү 2 жылда 190 млрд 600 млн сомго, же 177%га өстү. Келерки жылы аны 503 млрд сомго жеткирүү пландалууда. Өсүү темпин кармап туруу үчүн биз түз инвестицияны жана таза экспорттун көлөмүн көбөйтүүбүз керек. Бул эки милдетке өзгөчө маани берилет.
Быйыл экономиканын реалдуу секторун өнүктүрүүгө жана колдоого 20-50 млрд сом багытталат. Бул энергиянын кайра жаралуучу булактары, айыл чарба продукциясын сактоо жана сатуу үчүн шарттарды түзүү боюнча долбоорлор», – деди Акылбек Жапаров.
