Президент Чоң-Алай районунда памирлик кыргыздар үчүн 400 үй куруп берүүнү убадалады
Чоң-Алай районунда памирлик кыргыздар үчүн 400 үйдүн курулушу пландалууда. Бул тууралуу президенттин администрациясынын маалымат кызматы билдирди.
Президент Садыр Жапаровдун демилгеси менен жакынкы мезгилде Ош облусунун Чоң-Алай районунда памирлик кыргыздар үчүн 400 үйдүн курулушу башталат.
“Курулуш иштерин быйыл май айында баштоо пландалууда. Бардык үйлөр жылуулук, электр энергиясы жана ыңгайлуу жашоо үчүн зарыл болгон башка нерселер менен камсыздалат”, – деп айтылат маалыматта.
Өлкө жетекчилиги Афганистан Ислам Республикасынын Кичи жана Улуу Памиринин аймактарынан бардык этникалык кыргыздарды толугу менен көчүрүү үчүн бардык зарыл чараларды көрүп жатканын, бул максаттар үчүн мамлекетте жетиштүү күч жана каражаттар бар экендигин айтууда.
