AstraZeneca Казакстанда дары-дармектерди өндүрүү ишканасын ачат
AstraZeneca британ-швециялык биофармацевтикалык компаниясы Казакстандын Саламаттыкты сактоо министрлиги менен меморандумга кол койду. Бул тууралуу Kazinform билдирди.
Маалыматка жараша, AstraZeneca менен меморандумга Казакстандын дары-дармектерин өндүрүүнү рыноктун керектөөлөрүнүн 50% чейин көбөйтүү программасынын алкагында кол коюлган.
Алгачкы этапта AstraZeneca казакстандык фармацевтикалык компаниялардын базасында иштейт. Келечекте AstraZeneca тиешелүү инвестициялары менен өзүнчө заводдорду куруу пландалууда.
«Учурда биз (Казакстанда) 40 жакын дарыларды каттоодон өткөрдүк. Биз дагы 15 инновациялык дары-дармектерди алып келип, төрт дары чыгарууну пландап жатабыз. Булар кардиологиялык, респиратордук, сейрек кездешүүчү ооруларды, кант диабетин дарылоочу дары-дармектер болот», – деди Казакстандагы AstraZeneca өкүлчүлүгүнүн башчысы Александр Таришкин.
