Бишкекте эң чоң ololoPlanet креативдүү борбору ачылды
Тогузунчу ololo креативдүү хабы расмий түрдө 11-февралда Бишкекте ачылды. Бул тууралуу компаниянын маалымат кызматы билдирди.
Хабда искусство, IT, бизнес, психология жана өнүгүү, AI, мультимедиа жана коммуникациялар боюнча иш-чаралар өткөрүлөт.
ololoPlanet – Кыргызстандагы эң ири креативдүү хаб, жалпы аянты – 6000 м2 ашык. Имарат 5 кабаттан турат, алардын ар биринде кеңселер, open space жумуш аянтчалары жана жыйындар залдары жайгашкан.
«Биз, ololo тобу, 2018-жылы имараттын ордунда жер гана болгон этапта анын концепциясын иштеп чыкканыбызга абдан бактылуубуз. Концепция жердин көлөмүнө жана формасына, шаардагы шамалдын көтөрүлүшүнө, транспорт агымдарынын өзгөчөлүктөрүнө жана аймактын курулуштарына, анын ичинде шаардын башкы планына таянып иштелип чыккан. Чындыгында, ololoPlanet – бул бир жердеги беш коворкинг мейкиндиги», – дейт ololo компаниялар тобунун тең негиздөөчүсү Данияр Аманалиев.
Концепцияны ишке ашырган башкы архитектор Игорь Царик болгон. Ошол эле маалда ички жасалгасын ololo’нун тең негиздөөчүсү Атай Садыбакасовдун жетектөөсү менен үч ар башка дизайн студиялар иштеп чыгышкан.
- Креативдүү хаб Бишкек шаары, Юнусалиев көчөсү, 80 дарегинде жайгашкан.
ololo компаниялар тобуна Бишкек жана Ош шаарларындагы креативдүү хабдар тармагы, Ысык-Көлдөгү ololoAkJol коворкинг-резорту жана ololoFamily арт-отели, John Galt бизнес акселератору, Liberterra брокеридж кызматтарды көрсөткөн кыймылсыз мүлк боюнча эксперттик компаниясы, ololoEvents агенттиги, ololoMedia digital-агенттиги, WelcomeKG жана ololo creative impact fund кирет.
