МИК: ипотекага батир алууга 9.5 миң адам банкта кезекте турат
Азыркы тапта 60 миңдей жаран каттоого арыз таштап, 9.5 миң жаран банктарга кезекке турушту. Бул тууралуу бүгүн, 14-февралда Мамлекеттик ипотекалык компаниянын башкармалыгынын төрайымы Аида Төлөгөнова Жогорку Кеңештин төрагасы Нурланбек Шакиев менен жолугушуусунда билдирди.
Төлөгөнованын айтымында, 2022-жылдын аягында компаниянын уставдык капиталын көбөйтүүгө 3.8 млрд сом өлчөмүндө каражат бөлүнгөн.
Шакиев МИКтин негизги максаты жарандарды арзан турак-жай менен камсыздоо экенин белгилеп: “Бирок компания тарабынан курулуучу объектилердин сапатына өзгөчө көңүл бурулушу шарт. Бардык курулуш эрежелери сакталып, талаптар аткарылганда гана салынган тамды кезек күткөн жарандарга берүү зарыл. Түркиядагы жаралган кырдаалды эске алып, жоопкерчилик чоң экенин унутпаңыздар”, – деди ал.
Алсак, бюджеттин эсебинен көп кабаттуу үйлөр курулуп, мамлекеттик ипотека аркылуу жарандарга берилери күтүлүүдө.
Өз кезегинде Төлөгөнова өзү жетектеген мекеменин ишмердүүлүгү тууралуу учкай маалымат берип: “Менин үйүм 2021-2026” турак-жай программасын ишке ашыруунун жүрүшүндө 6.2 млрд сомго 2.5 миңден ашык үй-бүлө турак жай менен камсыз болгонун белгиледи.
МИКте 17 миң жаран катышып жатат, анын ичинде 8 миң жаран банктардын тизмесинде турат
Кыргызстандын комбанктары ипотекалык кредитти мамлекеттик кепилдик менен беришет
Кепилдик фонду «РСК банктын» насыя алуучуларына ипотекалык кепилдиктерди берет
«Менин үйүм 2021-2026» турак-жай программасы ишке кирди – МИК
«Менин үйүм 2021-2026» турак жай программасына ылайык, кимдер ипотекалык насыя ала алат?
Эми мамлекеттик ипотека алууга арызды онлайн берсеңиз болот – МИК
4% жана 8% менен жеңилдетилген ипотека берүү 16-сентябрда башталат – МИК
МИК: Ипотекалык каражат сурап жатканда кандай учурда өнөктөш банк каржылоодон баш тартышы мүмкүн?
