Айдоочулук күбөлүк алуу үчүн экзамен тапшыргандар эми акы төлөшөт
Айдоочулук күбөлүк алуу үчүн экзамен тапшырчулар эми акы төлөй баштайт. Бул тууралуу «Унаа» мамлекеттик ишканасы «Т-Медиага» билдирди.
Аталган полрталдын берген маалыматына ылайык, жаңы тариф боюнча айдоочулук күбөлүккө сынак тапшыргандар теориялык экзаменге — 148 сом, ал эми практикалык экзаменге — 152 сом төлөйт.
Эскерте кетсек, буга чейин экзамендер акысыз тапшырылып келген. Ал эми айдоочулук күбөлүгүн каттоо жана берүү кызматына 256 сом төлөнөт.
Айдоочулук күбөлүк алам дегендер алгач автомектептерде окуп, андан кийин «Унаа» мекемесинде экзаменден өтөт. Алгач теориялык, андан соң практикалык экзамен (вождения) тапшырат. Теориялык сынакта 20 суроо берилет. Анын 18ден ашык суроосуна жооп бергендер сынактан өткөн болот. Ал эми практикалык сынакта жаран унааны кантип айдай турганы текшерилип, сегиз баскыч менен бааланат.
