Азия өнүктүрүү банкы (АӨБ) Бишкекке 120 электробус сатып алуу үчүн $50 млн бөлөт. Бул тууралуу 4-апрелде АӨБнын Кыргызстандагы өкүлчүлүгүнүн директору Канокпан Лао-Арая билдирди.

АӨБ борбор калаанын коомдук транспортун электрлештирүү долбоорун иштеп чыккан. Бул 120 электробустар экологияга зыяндуу заттарды бөлүп чыгарбайт, бул түтүн менен күрөшүүгө оң таасирин тийгизет.

Кошумчалай кетсек, долбоорго Бишкек шаарында экологиялык мобилдүүлүк үчүн жашыл коридорду түзүү камтылганы айтылат. Анда жөө жүргүнчүлөр, велосипедчилер жана электробустар үчүн жолго өзүнчө тилкелерди куруу каралган. Жалпысынан бул демилгеге $25 млн грант жана $25 млн насыя берилет.