Коом

Россияда малдын массалык түрдө союлушу элдин тынчын алууда

Ишкер Media

23 мар. 2026 10:30

Россиянын бир катар аймактарында жаз башынан бери малды массалык түрдө союу жүрүп жатат. Фермерлердин айтымында, миңдеген уй, чочко, кой жана эчкилер бийлик тарабынан алынып, союуга жөнөтүлүүдө. Айрыкча Сибирь жана Поволжье аймактарында бул көрүнүш күчөп, жергиликтүү тургундар нааразычылык акцияларын уюштурушкан.

Бийликтин бул аракеттери түшүнүксүз болуп жатканын, ал эми сунушталган компенсациялар жетишсиз экенин жергиликтүү калкка таянып, Россиялык ЖМК өкүлдөрү жарыялашты.

Билдирүүгө караганда, расмий органдар мындай чараларды жугуштуу оорулардын жайылышын алдын алуу менен түшүндүрүшкөн. Алсак, Новосибирск облусунда өзгөчө кырдаал режими киргизилип, пастереллёз оорусу тарашы мүмкүн экени айтылганы менен фермерлер бул жүйөгө ишенбей, союлган малдардын көпчүлүгү соо болгонун белгилешүүдө.

Айрым эксперттер массалык союунун чыныгы себеби башка, өтө кооптуу болгон ящур оорусу болушу мүмкүн экенин айтышууда. Бул илдет бат жайылып, аны токтотуунун эң натыйжалуу жолу – малды жок кылуу болуп эсептелет. Учурда аймакта карантин киргизилип, эт жана сүт сатууга чектөөлөр коюлган.

Новосибирск облусунда пастереллёз оорусунун жайылышына каршы күрөш алкагында ири чарбалардагы малдарды алуу иштери толук аяктады. Бул тууралуу облустук бийликтин маалымат саясаты бөлүмүнүн жетекчиси Сергей Нешумов журналисттерге билдирген.

Анын айтымында, азыр ири чарбалар карантин жана дезинфекция режимиине өттү. Акыркы 15 күн ичинде облуста пастереллёздун жаңы учурлары катталган жок. Жалпысынан малынан ажыраган 189 үй-бүлөнүн 129у компенсация алуу үчүн арыз берип, алардын ичинен 113ү төлөмдөрдү алышкан.

Бийлик өкүлдөрү кырдаал көзөмөлдө экенин билдиришип, жабыркаган чарбаларга мал сатып алуу үчүн 50% чейин субсидия жана башка колдоо чаралары каралганын маалымдашты.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”