Ош шаары Улуу Британиянын шаарлары өнөктөштүктү өнүктүрөт
Ош шаарынын мэринин биринчи орун басары Марс Исаев менен Улуу Британиянын КРдагы убактылуу ишенимдүү өкүлү Шарлотт Сурун жолугушту. Бул тууралуу шаардык мэрия билдирди.
Жолугушууда тараптар ишкерлердин өз ара аракеттенүүсү, билим берүү системасын өнүктүрүү, ошондой эле аялдардын укуктарын коргоо, гендердик теңчилик боюнча эки тараптуу кызматташтыкты өнүктүрүү маселелерин талкуулашты.
Ошондой эле Исаев эки тараптуу байланыштарды өнүктүрүү ниетинде Улуу Британиянын индустриалдык шаарларынын бири менен боордош шаар мамилелерин өнүктүрүүнү сунуштады.
Өз кезегинде Шарлотт Сурун белгилегендей, Кыргыз Республикасынын ишкерлери үчүн 85%га жакын продукцияны, анын ичинде айыл чарба продукциясын, текстиль, балды пошлинасыз экспорттоо үчүн шарттар түзүлгөн.
«Апрель айынын аягында Кыргызстандын текстиль жана айыл чарба ассоциацияларынын өкүлдөрүнүн биринчи тобу Улуу Британияга барат. Анда эки тараптуу кызматташтыкты өнүктүрүү максатында ишкерлер менен жолугушуулар өткөрүлөт. Мекенине кайтып келгенден кийин алар өз тажрыйбалары менен бөлүшө алышат», — деп белгиледи.
