Баткен облусунунда 2023-жылга жабыркаган ишкерлерге кредиттик каражаттарды берүүгө республикалык бюджеттин эсебинен 90.3 млн сом суммасында акча каражаттары каралган. Бул тууралуу Финансы министрилиги билдирди.

Каражаттар жабыр тарткан ишкерлерине зыяндын ордун толтуруу максатында берилет.

Такталгандай, Финансы-кредиттик фонддун кызматкерлери Баткен облусунун Баткен шаарында, Баткен жана Лейлек райондорунда жалпысынан 212 жабыркаган субъекттер менен жумуш алып барып, 75 ишкер менен кредиттик келишим түзгөнгө жетишти.

Азыркы учурда калган ишкерлер менен кредиттик каражаттарды берүү максатында белгиленген иштер жүргүзүлүп жатат.