«Кара-Балта спирт заводу» мамлекеттик ишканасы республикалык бюджеттин эсебинен 280 млн сомдук насыя алган. Бул тууралуу Финансы министрилиги билдирди.

Маалыматка ылайык, ишкана тамак-аш, кайра иштетүү өнөр жайына киргендиктен насыя берилген. Насыя 2022-жылдын сентябрь айында берилген. Кайтаруу мөнөтүү 2023-жылдын 15-декабрына чейин каралган.

«Кара-Балта спирт заводу» бюджеттик кредиттөөнүн алкагында ишкананын инфратүзүмүн жакшыртып, суткасына 5000 декалитр этил спиртин өндүрүү боюнча пландалган өндүрүштүк көрсөткүчтөрго жетишти.