АКШга визалар үчүн төлөм кымбаттады
2023-жылдын 30-майынан тарта АКШга келүүчү визалар жана башка иммиграциялык эмес визалар үчүн төлөм дүйнө жүзү боюнча 160$ дан 185$ га чейин жогорулайт. Бул тууралуу Бишкектеги АКШ элчилиги билдирди.
Ошондой эле атайын петицияга негизделген визанын баасы (H, L, O, P, Q жана R) 190$ дан 205$ га чейин жогоруламакчы, ал эми E визага арыз берүү акысы 205$ дан 315$ га чейин жогорулайт.
Буга чейин виза төлөмүн төлөгөн жана жарактуу квитанциясы бар талапкерлер интервьюга жазылуу үчүн эч кандай кошумча жыйым төлөбөйт экендиги белгиленет.
Интервьюга кирип, учурда арызы каралып жаткандар да кабатырланбаса болот — алар да эч кандай кошумча төлөмдөрдү төлөбөйт.
Дүйнө жүзү боюнча визалык төлөмдөрдүн көтөрүлүшү боюнча суроолор боюнча ConsularBishkek@state.gov кайрылыңыз, деп билдирет элчиликтин маалымат кызматы.
Ошондой эле виза тууралуу кененирээк маалыматты элчиликтин веб-сайтынан тапса болот.
