Mondelēz International компаниялар тобу Борбор Азия өлкөлөрүнүн рыногунда сунушталган айрым бренддердин продукциясына «халал» (адал) сертификаттарын алды. Бул тууралуу ишкананын басма сөз кызматы билдирди.

10-апрелде Mondelēz International Кыргызстанда жана «Евразия» бөлүмүнүн башка өлкөлөрүндө сатылган Alpen Gold, Milka, «Барни», Oreo, Dirol, Toblerone жана башка бренддердин негизги продукцияларына «халал» сертификаттарын алды. Бул сертификаттын болушу ингредиенттердин курамы, таңгактары, өндүрүш линиялары жана технологиялары адал индустриясынын эл аралык стандарттарына туура келерин тастыктайт.

Айта кетсек, Mondelēz International компаниясынын «Евразия» бизнес-бөлүмү 10 өлкөнү камтыйт: Азербайжан, Армения, Беларусь, Грузия, Казакстан, Кыргызстан, Монголия, Тажикстан, Түркмөнстан жана Өзбекстан.