Улуу Ата Мекендик согуштагы жеңиштин 78 жылдыгына карата Кыргызстандагы ардагерлердин ар бирине 100 миң сомдон жөлөк пул берилет. Economist.kg Кыргызстан менен Россиядагы ветерандардын бир жолку төлөмдөрүн салыштырды.

Кыргызстанда Улуу Ата Мекендик согуштун ардагерлерине Жеңиш күнүнө карата 100 миң сомдон төлөнөт. Бул жылы ал төлөмдү 68 адам алат. Бир жолку төлөм боюнча тиешелүү буйрукка Садыр Жапаров кол койду.

Россияда 2019-жылдан бери Улуу Ата Мекендик согуштун майыптары жана катышуучулары 9-майга чейин 10 миң рубль өлчөмүндө жыл сайын жөлөк пул алышат. Рублдин сомго карата азыркы курсу боюнча бул Кыргызстандан дээрлик он эсеге аз.

Өлкөнүн бир катар аймактарында ардагерлерге өздөрүнүн кошумча бир жолку төлөмдөрү белгиленет же мамлекеттик төлөмдөрдүн өлчөмү көбөйөт. Ошентип, Москвада ушул жылдын 9-майына карата төлөмдөр 10 миңден 25 миң рублга чейин белгиленет. Аларды дээрлик 50 миң адам алат.

Ошондой эле, быйыл Россиянын Мамлекеттик думасына Жеңиш күнүндө ардагерлерге жалпы улуттук төлөмдү 10 миңден 75 миң рублга чейин жогорулатуу боюнча мыйзам долбоору сунушталганын кошумчалайбыз. Бирок мыйзамга өзгөртүүлөр азырынча кабыл алына элек. Эгерде Россия ардагерлерге төлөнүүчү төлөмдөрдү депутаттар сунуштаган суммага чейин көбөйтсө, Россиянын айрым аймактарында гана жөлөк пулдун өлчөмү Кыргызстандагы төлөмдөр менен теңелет.