Россельхознадзор 10-апрелден 16-апрелге чейин Россияга сүт азыктарын жөнөткөн Кыргызстандагы беш өндүрүүчү ишкананы текшерет. Бул тууралуу россиялык департамент билдирди.

Текшерүүнүн алкагында Россельхознадзордун кызматкерлери ЕАЭБдин ветеринардык мыйзамдарында бекитилген сапат жана коопсуздук көрсөткүчтөрү боюнча сүт азыктарын текшерген лабораторияларга, ошондой эле сүт кабыл алуу пункттарына барышат.

Текшерүүнүн жыйынтыгы боюнча Кыргызстандын ветеринардык кызматы экспортко, анын ичинде Россияга жөнөтүлгөн сүт азыктарын өндүрүүчүлөргө карата жүргүзгөн контролдук-көзөмөлүнүн натыйжалуулугу боюнча тыянак чыгарылат.