Агроөнөр жай комплексин өнүктүрүү ассоциациясы “дискредитациялоочу соода оюндарын” жана Кыргызстандын ишканаларынын башка рынокторго чыгуусун жасалма чектөө боюнча адилетсиз аракеттер болгонун жокко чыгарбайт. Мындай иш-аракеттерден Россельхознадзор жакында эле колбаса азыктарынан чочконун ДНКсынын издерин тапкан «Адал Азык» компаниясы да жабыркаган болушу мүмкүн.

АӨЖ комплексин өнүктүрүү ассоциациясы “Адал Азык” өз продукциясында чочко этин колдонбогонун жана колдонбойт экенин тастыктайт. Ишкана продукциясынын үлгүлөрүн лабораториялык экспертизага тапшырган, анын жыйынтыгы жакында даяр болмокчу. Мындан тышкары текшерүүгө чет өлкөлүк лабораториялар да тартылат.

Компания ар дайым ачык-айкын иштеп келген жана текшерүү органдары, анын ичинде салык кызматы, компания чочко этин сырье катары эч качан сатып албаганын тастыктайт деп айтылат. Компания биринчилерден болуп ЭТТНди киргизе баштаган жана бардык жеткирүүлөр ушул система аркылуу өтөт, деп билдирди ассоциация.

«Акыркы жылы «Адал Азык» Россияга экспортун көбөйттү. 2023-жылдын биринчи кварталында 144 тонна продукция тапшырылган. Ушуга байланыштуу биз чет элдик рынокко чыгууну жасалма чектөө боюнча дискредитациялоочу соода оюндарын жана абийирсиз аракеттердин болушун жокко чыгарбайбыз. Армениянын, Грузиянын жана Казакстандын өндүрүүчүлөрү да ушундай эле көйгөйлөргө туш болушат», — деп айтылат АӨЖ комплексин өнүктүрүү ассоциациясынын билдирүүсүндө.