Баткен аэропорту апрелдин аягына чейин жабык
Быйылкы жылдын 1-апрелинен тартып Баткен аэропорту оңдоо-калыбына келтирүү иштеринен улам убактылуу жабылган. Ремонт айдын аягына чейин созулат. Бул тууралуу Кыргызстандын бардык аэропортторунун оператору «МАМ» билдирди.
Аэропортто асфальт-бетон төшөө, учактар үчүн токтотуучу жайларды жана перронду кеңейтүү боюнча оңдоо-калыбына келтирүү иштеринин экинчи этабы жүрүүдө. Оңдоо иштерин айдын аягына чейин бүтүрүү пландалууда.
Кошумчалай кетсек, 7-февралдан тартып Tez Jet авиакомпаниясынын Бишкектен Баткен аэропортуна каттамдары жанданды.
