T’way авиакомпаниясы Бишкектен Сеулга жумасына бир жолу, жекшемби күндөрү каттайт. Бирок каттамдар жайкы мезгилге гана пландалган. Бул тууралуу авиакомпаниянын президенти Ёнг Хонг Ген Кыргызстандын Түштүк Кореядагы элчиси Аида Исмаилова менен жолугушууда билдиргенин ТИМ билдирди.

Жолугушууда корей тарап Бишкек менен Сеул ортосунда түз аба каттамдарын ачуу пландалып жаткандыгы тууралуу маалымат берди. Каттамдар 11-июндан баштап жума сайын жекшемби күндөрү аткарылат, бирок жай мезгилинде гана. Ёнг Хонг Ген компания Кыргызстанга учуу үчүн жаңы Боинг-737 учагын атайын сатып алганын баса белгиледи. Бул лайнерлер бир рейсте 189 кишини ташый алат. Маалым болгондой, азыр компания учуу боюнча тиешелүү процедуралардан өтүп жатат.