Ош облусунда эки районду туруктуу суу менен камсыздоого ЕРӨБ €17.9 млн берет
Жогорку Кеңештин жыйынында КР менен Европа реконструкциялоо жана өнүктүрүү банкынын ортосундагы «Кыргыз Республикасында климатка туруктуу суу менен камсыздоо» долбоору боюнча кредиттик макулдашуун долбоору боюнча гранттык макулдашууну ратификациялоо жөнүндө мыйзам долбоору үчүнчү окууда каралды. Бул тууралуу парламент билдирди.
Аталган макулдашуу Ош облусунун Кара-Суу жана Араван райондорундагы Араван- Ак-Буура каналын модернизациялоого жана реконструкциялоого багытталган.
Долбоорду ишке ашыруунун натыйжасында 21 миң гектарга жакын жер аянтын суу менен камсыздоо жакшыртылат. Тагыраагы, мерчемделген планды ишке ашыруу үчүн ЕРӨБ тарабынан жалпы суммасы €17.9 бөлүнүп берилет, анын ичинен кредиттик келишимге ылайык – €14.1 млн, гранттык макулдашууга ылайык – €3.7 млн каралган.
Кредиттик каражаттар 15 жылга, төрт жылдык жеңилдетилген мөөнөттө, өзгөрүлмө пайыздык чен менен алынат.
