ЖИА Ошто Көчмөн Бизнес Аянтча – 2023 иш-чарасын өткөрөт – эки күн калды

Ишкер Media

17 авг. 2023 09:50

JIA Бизнес-ассоциациясы 2023-жылдын 19-20-август күндөрү Ошто Көчмөн Бизнес Аянтча-2023 иш-чарасын өткөрөт. Иш-чарага Бишкек, Талас, Ысык-Көл, Нарын, Баткен, Жалал-Абад жана Ош облусунан 350-400 ишкердик катышуучу күтүлүүдө. Бул тууралуу уюмдун маалымат кызматы билдирди.

ЖИАдан билдиришкендей, иш-чарада өлкөдөгү алдыңкы спикерлер "Супара" этнокомплексинин жетекчиси Жаңылсынзат Турганбаева, Гарвард бизнес мектеби, Хьюстон университети, METU (Middle East Technical University) сыяктуу алдыңкы окуу жайлардын бүтүрүп дүйнөнүн ири компанияларында инженер болуп эмгектенген жаш жубайлар Эмиль Билгазыев менен Мунара Толубаева, "Ак Кеме" курулуш компаниясынын жетекчиси Рахматулла Мадазимовдор тажрыйбалары менен бөлүшүшөт.

Ошондой эле улуттук оюндар, туризм жана кызмат көрсөтүү тармагында иш алып барган товар жана кызматтардын көргөзмө-жарманкеси, маданий иш-чара менен коштолот.

Көчмөн бизнес аянтча – JIA Бизнес-ассоциациясы тарабынан жыл сайын ар кайсы аймакта өлкө ишкерлерин чогултуу, маалымат алмашуу жана кызматташтыкты чындоо максатында өткөрүлүп келет. Бул жылы иш-чара ички туризмди өнүктүрүүгө багытталат. Буга чейин Талас жаана Ысык-Көл облустарында өткөрүлгөн.

Иш-чара: 19-20-августта өтөт
Дареги: Ош, Rayan Resort Сары-Ой
Толук маалымат жана билеттерди сатып алуу үчүн: +996 755 88 08 48 телефонуна кайрылсаңыз болот.

Башкы демөөрчү: "АвтоЯ" Кыргызстандагы заманбап унаа борбору
Расмий демөөрчү: "Карагай" курулуш компаниясы
Расмий демөөрчү: Automall мультибренддик унаа салону

JIA бизнес-ассоциациясы – КРнын өнүгүүсү үчүн ишкерлердин инновациялык, социалдык жоопкерчиликтүү жана ачык коомун өөрчүтүүнү көздөгөн коммерциялык эмес уюм. Ассоциация Кыргызстанда гана эмес, анын чегинен сырткары дагы кулачын жайып, 1200дөн ашуун компанияларды, чакан, орто жана ири бизнести бириктирип турат. JIA 2006-жылы республиканын ишкерлеринин демилгеси менен түзүлгөн. Бүгүнкү күндө бул тармактык комитеттер, клубдар, ишкердикти колдоо борборлору жана мыкты адистери бар көп секторлуу уюм.

Мындан тышкары окуңуз

ММБМА Кыргызстанда баалоосу токтотулган, менчиктештирүүгө жаткан 6 объектти атады

Мамлекеттик мүлктү башкаруу боюнча мамлекеттик агенттиктин директорунун орун басары Динара Эркинбаева 2026-жылдын 21-апрелинде Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында баалоосу токтотулган, бирок менчиктештирүүгө тийиш болгон 6 объект бар экенин билдирди. Анын айтымында, мындай объекттерге төмөнкүлөр кирет: * "Гарантиялык фонддун" 8,7% акциясы; * "Пирамида&

Көчмөндөр оюнуна чейин жолдорду бүтүрүү тапшырмасы коюлду

Бүгүн, 21-апрелде министр Талантбек Солтобаевдин жетекчилиги алдында Транспорт жана коммуникациялар министрлигинин кезектеги аппараттык жыйыны өттү. Бул тууралуу аталган министрликтин басма сөз кызматы кабарлады. Маалыматка таянсак, жыйынга министрдин орун басарлары, бөлүм башчылар, министрликке караштуу түзүмдүк бөлүмдөрдүн жетекчилери жана мекеме-ишканалардын башчылары, ошондой эле онлайн форматта жол тейлөө ишканаларынын жетекчилери катышты. Министр Т.

"КУЭС" ААКнын директорлор кеңеши 58,25 млн доллар насыя алууну жактырды

"КУЭС" ААКнын директорлор кеңеши 2026-жылдын 16-апрелинде Ислам өнүктүрүү банкы тарабынан берилүүчү насыяны тартуу боюнча кызыкчылыгы бар бүтүмдү жактырды. Насыянын суммасы 58,25 млн долларды түзөт. Бул каражаттар 220/110/24 кВ "Каракол" жана 220/110/24 кВ "Тамга" көмөкчордондорун (ПС) жана электр берүү линияларын

Кеминдеги курулуп жаткан ГЭСке 16 млн 353 миң сом айып салынды

Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын Чүй регионалдык башкармалыгы «Энергия Будущего» ЖЧКсынын ишмердүүлүгүнө пландан тышкары текшерүү жүргүздү. Аталган компания Чүй облусунун Кемин районуна караштуу Кичи-Кемин айыл өкмөтүнүн Сары-Күнгөй коктусунда чакан ГЭС куруп жаткандыгы аныкталган. Текшерүүнүн жүрүшүндө курчап турган чөйрөнү коргоо мыйзамдарынын талаптарын бузуу