ӨКМ: 10-12-май күндөрү сел жүрүү коркунучу бар
10-майдан 12-майга чейин республиканын тоолуу жана тоо этектериндеги аймактарында туруксуз аба ырайы күтүлөт. Бул тууралуу Өзгөчө кырдаалдар министрлиги шашылыш билдирүү таратты.
Маалыматка ылайык, нөшөрлүү жаан-чачынга байланыштуу дарыяларда суунун деңгээли көтөрүлүп, сел жүрүшү мүмкүн.
Буга байланыштуу ӨКМ жарандарды майрам жана эс алуу күндөрү коопсуздук эрежелерин сактоого чакырат. Айрыкча тоолуу жана тоо этектериндеги аймактарга, дарыялардын жана капчыгайлардын жээгине эс алууга барбоо сунушталат.
Ошондой эле жаан-чачын учурунда тоо жолдорунда жүрүүдөн убактылуу кармануу зарыл экени белгиленди.
