АКШ кыргызстандыктар үчүн визанын мөөнөтүн узартууну карап жатат — элчи Лесли Вигери

Ишкер Media

17 окт. 2023 11:42

Вашингтон КРнын жарандары үчүн визанын мөөнөтүн узартуу маселесин карап жатат. Бул тууралуу кечээ, 16-октябрда АКШнын Кыргызстандагы Атайын жана Ыйгарым укуктуу элчиси Лесли Вигери Жогорку Кеңештин АКШ менен парламенттик достук тобунун өкүлдөрү Акылбек Түмөнбаев, Балбак Түлөбаев, Карим Ханджеза, Эмил Токтошев менен жолугушууда билдиргенин парламенттин маалымат кызматы билдирди.

Кыргызстандын жарандарына америкалык визаларды берүү маселелерине токтолгон депутат Эмил Токтошев КРнын жаштары АКШга билим алуу жана туризм максатында барууга кызыкдар экенин баса белгиледи.

"Тилекке каршы, биздин жарандар виза алууда бир катар көйгөйлөргө туш болушууда, атап айтканда, виза бербей койгон учурлар көп болууда", — деп баса белгилеген парламентарий Кыргызстандын жарандары үчүн виза алуу жол-жоболорун жөнөкөйлөтүү маселесин кароо зарылдыгын белгиледи.

Америкалык дипломат өз кезегинде дипломатиялык ишмердүүлүгүнүн алкагында эки өлкөнүн ортосундагы, атап айтканда, экономика, билим берүү жана саламаттыкты сактоо тармагындагы мамилелерди өнүктүрүүгө басым жасоо ниетин билдирди.

"Биз парламенттер аралык байланыштарды чыңдоого кызыкдарбыз", — деген Лесли Вигери КР Тышкы иштер министрлиги виза берүү маселеси боюнча АКШга кайрылганын, учурда Вашингтон бул маселени иликтеп жатканын кошумчалады.

Мындан тышкары окуңуз

ЖК төргагасынын 2024-жылдагы кирешеси 3 млн 685 миң сом болгон

Жогорку Кеңештин VII жана VIII чакырылыштарынын Төрагасы Нурланбек Тургунбек уулунун 2024-жылдагы кирешеси 3 млн 685 миң 138 сомду, ал эми чыгымдары 1 млн 300 миң сомду түзгөн. Бул тууралуу маалымат Мамлекеттик салык кызматы анын декларациясына таянып билдирди. Төраганын менчигинде: * аянты 1 500 чарчы метрди түзгөн үй жанындагы жер тилкеси; * аянты

Быйылкы жылдын өндүрүштүк календары кандай бекиди?

2025-жылдын декабрь айынын аягында Эмгек, социалдык камсыздоо жана миграция министрлиги 2026-жылга карата өндүрүштүк календарды бекитти. Календарга ылайык, төмөнкү күндөр мамлекеттик майрамдар болуп белгиленди: * 1-январь — Жаңы жыл; * 23-февраль — Ата Мекенди коргоочулардын күнү; * 8-март — Аялдардын эл аралык күнү; * 21-март — Элдик майрам Нооруз; * 7-апрель — Элдик Апрель революциясынын күнү; * 1-май — Эмгек майрамы; * 5-май — Кыргыз

Францияда «Горетти» аттуу циклондон улам 380 000 үй жарыксыз калды

Францияда күчтүү «Горетти» аттуу циклонундун кесепетинен 380 000 үй электр жарыгысыз калды. Негизинен өлкөнүн түндүк-батышындагы Нормандия аймагы жабыркагандыгын BFMTV телеканалы кабарлады. Маалыматка ылайык, Франциянын түндүк-батышындагы Бретань аймагында 21 000 үй, Пикардияда — 18 500 үй, ал эми Иль-де-Франс аймагында 13 500 үй жарыксыз калган. Буга чейин 2026-жылы Жер шарында магниттик бороон-чапкындар

Кыргыз асыл тукум мамлекеттик заводунда силос даярдоо күчөтүлдү

Мамлекеттин колдоосу менен Кыргыз асыл тукум мамлекеттик заводунун чарбасы акыркы жылдары жанданып, өндүрүштүк ишмердүүлүгү кеңейүүдө. Чарбанын базасында машина-трактордук станция түзүлүп, айыл чарба иштерин өз күчү менен жүргүзүү мүмкүнчүлүгү камсыздалган. Анын алкагында жергиликтүү жүгөрүнүн "Ала-Тоо" сорту өстүрүлүп, ар бир гектар жерден 40–50 тоннага чейин сапаттуу силос алынып жатат.