Таласта болгон сел ички чарба жолдорду жууп кетти
18-июнда Талас районунун Шумкар-Уя айыл аймагындагы Кара-Ой айылында тоолорго жааган катуу жамгырдын кесепетинен сел жүрүп, 2 сарайдын короосун каптап, ички чарба жолдорун жууп кеткен.
ӨКМДин маалыматына ылайык, 19-июнда жүргүзүлгөн тактоо иштеринде материалдык зыян жок экени аныкталып, селден жабыркаган жол тилкелери жана 300 метр ички арыктар атайын техникалардын жардамы менен калыбына келтирилди.
18-июнда Айтматов районунун Аманбаев айыл аймагында да Бабахан өзөнүнөн түшкөн сел айрым жол тилкелерин жууп кетип, учурда №6 жол тейлөө кызматы жана айыл өкмөтүнүн техникалары тарабынан тазалоо жана калыбына келтирүү иштери жүргүзүлүүдө.
