Улуттук банк айрым алмаштыруу бюролоруна карата чара көрдү

КРнын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарындагы эки алмашуу бюросуна айып пул салынды.

КРУБ расмий сайтында маалымдалгандай, алардын ар бирине 55 000 сом өлчөмүндө айып пул каралды. 

Мындан сырткары, Бишкек шаарындагы дагы бир  акча алмаштыруучу жай «Нурсан про» ЖЧКнын лицензиясынын аракети 2025-жылдын 21-октябрынан тартып 27-октябрын кошо алгандагы мезгил аралыгына токтотулду. 

2025-жылдын 17-октябрына карата абал боюнча Кыргыз Республикасында Улуттук банктын лицензиясынын негизинде ишмердүүлүк кылып жаткан 819 акча алмаштыруучу жай бар.