Үгүт эрежелерин бузган талапкерлерге, ЖМК өкүлдөрүнө айып пул салынат
2025-жылдын 30-ноябрына дайындалган Жогорку Кеңештин депутаттарын мөөнөтүнөн мурда шайлоого катышуу ниетин билдирген жарандардын социалдык баракчаларындагы, айрым жеке жарандардын жарыялоолору жана билдирүүлөрү боюнча шайлоо алдындагы үгүт иштерин жүргүзүүдө мыйзам бузууга жол берилген учурларга байланыштуу Боршайком кийинки чечимдерди кабыл алды.
1. №14 шайлоо округу боюнча талапкерлигин көрсөткөн Болотбек Дүйшеналиевге КР Укук бузуулар жөнүндө кодексине ылайык, 7 500 сом өлчөмүндө айып пул салынды.
2. Баткен облусундагы Исхак-Полотхан айылдык кеңешинин төрагасы Гулам Матажиев 7500 сом айып пул салынды.
3. №25 шайлоо округу боюнча депутаттыкка талапкерлигин көрсөткөн Төрөкан Жунусбековго 7 500 сом өлчөмүндө айып пул салынды.
4. 2025-жылдын 18-октябрында Талас УТРК телеканалына 28 000 сом өлчөмүндө айып пул салуу чечими кабыл алынды.
КР БШК бардык талапкерлерге, мамлекеттик жана жергиликтүү өз алдынча башкаруу органдарынын кызматкерлерине, ММК жана социалдык тармак колдонуучуларына шайлоо алдындагы үгүт иштерин жүргүзүүдө мыйзам талаптарын так сактоону эскертет. Үгүт иштери талапкерлерди каттоо мөөнөтү аяктагандан кийин гана жүргүзүлүүгө тийиш. Мыйзамды бузган ар бир учур тиешелүү тартипте каралып, жоопкерчилик чаралары колдонулат.
