Камбар-Ата-1 ГЭСи боюнча эл аралык консультациялар өткөрүлдү

Ишкер Media

06 нояб. 2025 12:24

4-5-ноябрда Стамбулда КРнын Энергетика министрлиги Камбар-Ата-1 ГЭСинин айлана-чөйрөгө жана социалдык тармакка тийгизген таасирин баалоо (АЧСТБ) долбоору боюнча эл аралык консультацияларды өткөрдү. Бул тууралуу Энергетика министрлигинин маалымат кызматынан билдиришти.

Кыргызстандын делегациясын министрдин орун басары Алтынбек Рысбеков жетектеди. Ошондой эле табигый ресурстар, экология жана техникалык көзөмөл министринин орун басары Асель Раимкулова жана тышкы иштер министринин орун басары Темирбек Эркинов катышты.

Иш-чарага Тажикстан, Өзбекстан жана Казакстандан расмий өкүлдөр менен 50дөн ашык эл аралык жана улуттук эксперттер, жарандык коомдун өкүлдөрү онлайн жана оффлайн форматта катышты. Талкуунун негизги максаты — долбоордун экологиялык жана социалдык таасирлерин, ошондой эле жумшартуу жана алдын алуу чараларын талкуулоо, кызыкдар тараптардан сунуштар жана комментарийлер алуу болду.

Долбоор боюнча материалдар 2025-жылдын августунан тартып расмий сайтта — kambarata1.org — жеткиликтүү. Алардын ичинде АЧСТБ долбоору, экологиялык жана социалдык башкаруу пландары, жашоо каражаттарын калыбына келтирүү планы, кызыкдар тараптар менен өз ара аракеттенүү планы жана кумулятивдик таасирди баалоо долбоору бар.

Кыргызстан тарап консультацияларды 2025-жылдын 5-декабрына чейин комментарийлерди кабыл алуу менен улантат. Буга чейин октябрда долбоор аймагындагы беш айылда жана Бишкекте болжол менен 450гө жакын катышуучу менен жергиликтүү жана улуттук консультациялар өткөн.

Энергетика министрлиги Камбар-Ата-1 ГЭСин курууда ачыктык, катышуучулук жана конструктивдүү диалог принциптерин карманууга милдеттенгенин билдирди.

Мындан тышкары окуңуз

Нарында катуу шамал болуп китепкананын чатырын учуруп кетти

4-июлда Нарын шаарынын аймагында катуу шамал катталды. Бул тууралуу Нарын облустук өзгөчө кырдаалдар башкармалыгынын маалымат кызматы билдирди. Маалыматка ылайык, саат 16:40 чамасында катуу шамалдан улам Ала-Мышык тоосундагы "О" уюлдук операторунун бир радиорелейдик антеннасы кулаган. Анын кесепетинен "О" уюлдук операторунун байланыш түйүнү үзгүлтүккө учурап,

Ошто эскилиги жеткен көрнөк-жарнактар алынды

Ош шаарында көрнөк-жарнактарды “Мамлекеттик тил жөнүндө” жана “Жарнак жөнүндө” мыйзамдарынын талаптарына ылайык келтирүү максатында кезектеги рейддик иш-чара өткөрүлдү. Бул тууралуу Ош шаардык мэриясынан билдиришти. Ош шаарынын мэриясынын Мамлекеттик тил боюнча комиссиясы жана муниципалдык менчик башкармалыгынын Жарнак жана дизайн бөлүмү менен биргеликте А. Навои көчөсүндө эскилиги жеткен жана талаптарга

Оштогу эскилиги жеткен жылуулук түтүктөрү алмаштырылат

Ош шаарынын мэринин орун басары Эрнис Толтоев “Жылуулук электр борбору" муниципалдык ишканасынын өкүлдөрү менен жумушчу жыйын өткөрдү. Бул тууралуу Ош шаардык мэриясынан билдиришти. Маалыматка ылайык, жыйында А.Масалиев көчөсүндөгү эскилиги жеткен магистралдык жылуулук куурларын жаңылоо маселеси талкууланды. Долбоордун алкагында ТК-9 жылуулук камерасынан ТК-16 жылуулук камерасына чейинки узундугу

Адылбек Касымалиев иш сапары менен Россияга барат

Министрлер Кабинетинин төрагасы Адылбек Касымалиев Россия Федерациясынын Екатеринбург шаарына жумуш сапары менен барат. Президенттик админстрациянын маалыматтык саясат бөлүмүнүн айтымына караганда, А.Касымалиев бир катар жолугушууларды өткөрөт. Андан сырткары, “Иннопром” эл аралык өнөр жай көргөзмөсүнө барат. Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA