Кыргызстан Евробиримдик менен кызматташтыкты чыңдоого кызыкдар
Тышкы иштер министрлигинин Консулдук департаментинин директору Сейтек Жумакадыр уулу Европа биримдигинин Кыргызстандагы өкүлчүлүгүнүн башчысы Реми Дюфло менен жолукту.
ТИМден билдиришкендей, жолугушуунун жүрүшүндө тараптар консулдук багыттагы кыргыз-европа кызматташтыгынын актуалдуу маселелерин, анын ичинде визалык саясат жаатындагы диалогду өнүктүрүү, жарандардын укуктарын жана кызыкчылыктарын коргоо, ошондой эле санариптештирүү жана миграциялык процесстерди башкаруунун заманбап инструменттерин киргизүү боюнча тажрыйба алмашуу маселелерин талкуулашты.
Жолугушуунун жыйынтыгында тараптар туруктуу байланыштарды улантууга жана Кыргызстан менен Европа биримдигинин ортосундагы өнөктөштүктү мындан ары чыңдоого өз ара кызыкдар экендиктерин ырысташты.
