Кара-Суу районунда суу каналдары тазаланып жатат
Ош облусунун Кара-Суу районунда сугат каналдары тазаланып, Ош шаарын аралап өткөн каналдар иретке келтирилип айрым бөлүктөрү бетондолуп жатат.
Мыйзамсыз курулуштар алынгандан кийин суу жээктери бошоп, тазалоо иштерине техникалардын киришине мүмкүнчүлүк түзүлдү. Мындан сырткары суу бөлүштүрүү жайларында капиталдык оңдоп-түзөө жумуштары аткарылууда. Суунун агымына тоскоолдук жараткан бак-дарактар кыйылып, ылай таштандылар тазаланып жатат.
Жазгы сугатка даярдык 2025-жылдын октябрында башталган, ошол мезгилден тарта атайын техникалар тартылып, каналдар механикалык жол менен тазаланып, бетондолуп март айында жумуштар толугу менен аяктап дыйкандарга сугат суу бериле баштайт.
Бүгүнкү күндө “Араван-Ак-Буура”, “Кайырма”, “Жаны”, “Жообас”, “Жекелик”, “Увам”, “Муян”, "Южный" каналдарында тазалоо, оңдоп-түзөө жумуштары жүргүзүлүп жатат.
