Россияда мигранттардын 35%ы орус тили боюнча экзаменден өткөн эмес

Россияда 2025-жылдын төртүнчү кварталында мигранттардын 35%дан ашыгы орус тили боюнча экзаменди биринчи аракетинде тапшыра албагандыгын өлкөнүн Билим берүү жана илим министрлигинин басма сөз кызматы билдирди.

Мониторингдин маалыматтарына ылайык, октябрь–декабрь айларында Россиянын тарыхы жана мыйзамдардын негиздери боюнча экзаменди 201 миң 675 адам тапшырган. Алардын ичинен 87,9%ы экзаменден ийгиликтүү өткөн. Ошол эле учурда 35,5%ы биринчи аракетинде тапшырманы аткара алган эмес.

Аттестация үч деңгээл боюнча өткөрүлөт:

1. Россияда иштөөгө уруксат (патент) алуу үчүн;
2. Убактылуу жашоого уруксат алуу үчүн;
3. Туруктуу жашоого уруксат (жашоого уруксат кагазы) алуу үчүн.

Ар бир экзамен үч бөлүктөн турат: орус тили боюнча тестирлөө, Россиянын тарыхы боюнча билимди текшерүү жана мыйзамдардын негиздери боюнча суроолор.