Бишкек шаарынын 2026-жылга карата бюджети 32,8 млрд сом көлөмүндө түзүлдү
2025-жылы шаардык бюджет 23 млрд 994 млн 600 миң сом өлчөмүндө бекитилгенин бүгүн бюджеттик угууларда Бекжан Усеналиев билдирди.
Анын айтымында, республикалык бюджеттен түшкөн каражаттарды эске алганда, такталган сумма 29 млрд 428 млн 972 миң сомду түзгөн. Чыныгы аткарылыш 30 млрд 561 млн 886 миң сомго жетип, 103%ды түзгөн.
2026-жылга Бишкек шаарынын бюджет долбоору 32 млрд 873 млн 616 миң сом көлөмүндө түзүлгөн. Өткөн жылдын бекитилген бюджети менен салыштырганда, көрсөткүч 9 млрд 863 млн 670 миң сомго өскөн.
"2025-жылга салыштырмалуу бюджет дээрлик 10 млрд сомго өстү. Бул деген дагы көп долбоорлор жана иш-чаралар жүзөгө ашырылат дегенди билдирет", — деди Усеналиев.
Ал ошондой эле шаардык кеңеш мэрия менен биргеликте бюджетти түзүү жана ишке ашыруу боюнча иштерди улантып жатканын белгиледи.
