Касымалиев Ысык-Көлдөгү 150 млн долларлык медкластердин долбоору менен таанышты

Ишкер Media

13 мар. 2026 15:34

Министрлер Кабинетинин Төрагасы Адылбек Касымалиев Ысык-Көл облусуна болгон жумуш сапарынын алкагында бир катар медициналык мекемелерди көрүп чыкты. Бул тууралуу Өкмөттүн басма сөз кызматынан билдиришти.

Ал Каракол шаарындагы 1968-жылы курулган, 550 орунга ылайыкталган облустук бириккен ооруканага барып, реанимация жана хирургия бөлүмдөрүнүн иши менен таанышты.

Ошондой эле МинКаб башчысы Караколдо курулуп жаткан 350 орундуу жаңы оорукананын курулушунун жүрүшүн көрдү. Курулуш 2024-жылы башталган, аны 2027-жылы бүтүрүү пландалууда. Касымалиев курулуш иштерин сапаттуу жана өз мөөнөтүндө бүтүрүүнү тапшырды. Мындан тышкары жаш дарыгерлерди турак жай менен камсыз кылуу маселесин иштеп чыгуу да тапшырылды.

Сапардын жүрүшүндө Каракол шаарында 150 миллион долларлык эл аралык медициналык кластер куруу долбоору да тааныштырылды. 510 орунга ылайыкталган бул борбор жогорку технологиялуу медицина жана медициналык туризмди өнүктүрүүгө багытталып, 750гө жакын жаңы жумуш ордун түзөрү айтылды.

Мындан тышкары ал Өзгөчө кооптуу жана карантиндик инфекцияларды көзөмөлдөө борборунун чумага каршы бөлүмүн жана Ысык-Көл облустук соттук-медициналык экспертиза бюросун көрүп чыкты. Эки мекеменин имараттары эски жана талаптарга жооп бербегени белгиленип, жаңы имарат куруу жана материалдык-техникалык базаны жаңылоо боюнча тиешелүү органдарга тапшырмалар берилди.

Мындан тышкары окуңуз

Бишкекте 90 миң долларды алдап алууга шектелген адвокат кармалды

Ири өлчөмдөгү алдамчылык фактысы боюнча адвокат кармалды. Бул тууралуу Ички иштер министрлиги билдирди. Маалыматка ылайык, милицияга К.Э. аттуу жаран кайрылып, чала тааныш аялдар анын ишенимине кирип, ири суммадагы акчасын алдап алышканын билдирген. Тергөөнүн алдын ала маалыматы боюнча, өздөрүн Р.А. жана К. деп тааныштырган аялдар Бишкек шаарынан базар баасынан

Бонецкий лабораториясы жеңилдиктерди эмнеге 40%га түшүрдү?

Депутат Жылдыз Курманалиева "Ишеним" жана "Ала-Тоо" депутаттык топторунун биргелешкен жыйынында Бонецкий лабораториясында оор абалдагы бейтаптар үчүн берилүүчү жеңилдиктер эмне үчүн 50%дан 40%га чейин төмөндөп кеткенине кызыкты. Саламаттык сактоо министрлигинин башкармалыгынын башчысы Нургүл Ибраева учурда лаборатория 40%дык арзандатуу берип жатканын жана ал дагы деле

Сузакта алимент төлөөдөн качкан жаран 1 жылга соттолду

Сузак районунда алимент төлөөдөн узак убакыт бою баш тартып келген жаран кылмыш жоопкерчилигине тартылды. Бул тууралуу Сот аткаруучулар кызматы маалымдады. Маалыматка ылайык, Сузак райондук сот аткаруучулар бөлүмүнүн өндүрүшүндө А.Л.А. аттуу жарандан бир баланы багуу үчүн алимент өндүрүү боюнча иш каралып келген. Бирок карызкор жаран алимент төлөө милдетин аткарбай,

Сокулук райондук прокуратурасынын жаңы имараты ачылды

Башкы прокурор Максат Асаналиев Сокулук райондук прокуратурасынын жаңы административдик имаратын ачты. Ачылыш аземине жергиликтүү мамлекеттик органдардын жетекчилери, прокуратура кызматкерлери жана ардагерлер катышты. Башкы прокуратуранын маалыматына ылайык, иш-чарада сөз сүйлөгөн Башкы прокурор жаңы имараттын пайдаланууга берилиши прокуратура органдарынын ишин сапаттуу уюштурууга жана жарандардын кайрылууларын ыкчам кароого мүмкүнчүлүк түзөрүн белгиледи. Ошондой эле