Нурлан Мотуевге жалаа жана мазактоо иши боюнча 20 миң сом айып пул салынды
Бишкек шаарынын Ленин райондук соту 2026-жылдын февраль айында Нурлан Мотуевди 20 миң сом айып пул төлөөгө өкүм кылганын соттун өзүнөн билдиришти.
Мотуев Кыргыз Республикасынын Укук бузуулар кодексинин 107-беренеси ("Массалык маалымат каражаттарында же интернеттеги сайттарда жарыяланган жалаа жана мазактоо") боюнча айыпталган. Ал Мирбек Мияров жоопкер, ал эми Хабиби Уланова доогер болгон иш боюнча маалыматтарды тараткандыгы үчүн айып пул алган. Ушул эле учурда Уланова сотко кайрылып, Мотуевдин жоопкерчилигин кароону талап кылган.
Айып пулга жыгылгандар райондук соттун чечимин Бишкек шаардык сотуна даттанышкан, бирок 19-мартта Ленин райондук сотунун чечими күчүндө калтырылган.
Буга чейин Мотуев социалдык тармактарда ар кандай билдирүүлөрдү жасап келген. 2025-жылдын июль айында милиция кызматкерлери аны Свердлов РИИБге анын видеосуна байланыштуу түшүндүрмө алуу үчүн алып барышкан. Бирок Мотуев агрессивдүү жүрүм-турум көрсөтүп, милиция кызматкерлерине карата орой сөздөрдү колдонгон. Натыйжада соттун чечими менен ал майда бейбаштык үчүн 5 суткага камакка алынган.
