Ат-Башы районундагы аз камсыз болгон үй-бүлөлөргө арпа таратылды
Ат-Башы районунда калктын социалдык жактан корголбогон катмарларына мал азыгы таратылганын райондук мамлекеттик администрация билдирди.
Мекеменин маалыматына ылайык, жардам климаттын өзгөрүшүнө туруктуу азык-түлүк системаларын өнүктүрүү долбоорунун алкагында көрсөтүлдү. Районго 135 тонна арпа жеткирилген.
Азыктар 864 үй-бүлөгө бөлүштүрүлдү — ар бирине 156 килограммдан берилди.
Белгиленгендей, бул долбоор райондо быйыл экинчи жолу ишке ашырылып жатат. Анын максаты — калкты климаттын өзгөрүшүнө адаптациялоо, ошондой эле фермерлердин эгин талаалары жана жайыттарындагы топурактын абалын изилдөө.
Мындан тышкары, кургакчылык кесепеттерин азайтуу чаралары да көрүлүүдө: чегирткеден коргоо иштери жүргүзүлүп, эгин талааларына жер семирткичтерди чачуу үчүн агродрон алынды.
