Төлөм системасынын катышуучулары үчүн практикалык окутуу

Финтех кызматтарын өнүктүрүү максатында ачык API бирдиктүү стандарттарын ишке ашыруу жана апробациялоо үчүн кейстерди тандоо боюнча төлөм системасынын катышуучулары менен практикалык воркшоп өткөрүлдү. Ишчараны КРнын Улуттук банкы Дүйнөлүк банкка караштуу Эл аралык каржы корпорациясынын көмөгү менен өткөрдү.

Улуттук банктын маалыматына ылайык, 2025-жылдын 30-сентябрында Улуттук банктын Төлөм системасы боюнча комитетинин токтому менен ачык API бирдиктүү стандарттарын колдонууга киргизүү боюнча сунуш-көрсөтмөлөр жактырылган. Анда төлөмдөрдү демилгелөө үчүн API стандарты, ошондой эле банк жана төлөм кызмат көрсөтүүлөрүнүн маалыматтарын алмашуу жана пайдалануу үчүн Ачык API бирдиктүү стандарты камтылган.

API (Application programming interfaces) - программалык тиркемелерди түзүү үчүн нускоолордун, протоколдордун жана инструменттердин жыйындысы. API программалык компоненттердин кандайча өз ара иш алып барууга тийиш экендигин аныктайт.