Элди ишендирип, акчасын алуу максатындагы - кезектеги алдамчылык
Белгисиз адамдар мамлекеттин колдоосунда жеңилдетилген шарттарда кредит алууга жарандарга көмөк көрсөтүү жөнүндө жарнаманы Telegram месенджери аркылуу таратып жатат. Мындай билдирүүнү Улуттук банктын басма сөз кызматынан кабарлашты.
Ишенимге кирүү үчүн алдамчылар Улуттук банктын логотиби түшүрүлгөн жасалма документтерди көрсөтүшүп, Telegram месенджерде кредит алган кардарлардын ыраазычылыгы деп жалган билдирүүлөрдү мисал катары келтирүүдө. Андан кийин алдамчылар ар кандай шылтоо менен (камсыздандыруу, комиссия ж.б.) жарандарга акча которуу зарылдыгын айтышып, жасалма кредиттик келишимди жөнөтүп жатышат.
Ушуга байланыштуу, Улуттук банк бул – кезектеги алдамчылык схемага ишенбөөгө чакырат жана эч убакта бейтааныш адамдарга акча которбоону сунуштайт.
