Кредит боюнча долларлашуу деңгээли 18,1% га, депозит боюнча 32,5% га төмөндөдү
КРнын Улуттук банктын төрагасы Мелис Тургунбаев КРнын Улуттук банкынын 2025-жылга карата ишмердүүлүгүнүн жыйынтыктары, негизги жетишкендиктери тууралуу өз баракчасында жарыялады.
Төраганын билдирүүсүнө караганда, 2025-жылы банк сектору туруктуу өсүштү көрсөтүп: активдер дээрлик 45% га көбөйүп, 1,181 трлн сомго жетти; насыя портфели 43% дан ашык кеңейсе, депозиттик базасы 822,4 млрд сомго чейин бекемделди.
Насыялардын долларлашуу деңгээли 18,1% га чейин, ал эми депозиттер 32,5%га чейин төмөндөп, валюталык тобокелдиктерди азайтты. Стресс-тесттин жыйынтыктары банктардын мүмкүн болгон шокторго туруштук берүүгө даярдыгын тастыктоодо.
Мындан сырткары Улуттук банктын төрагасы 2025-жыл активдүү санариптештирүү, нак эмес төлөмдөрдү өнүктүрүү жана банктар үчүн кардарларды коргоону күчөтүүнүн жылы болгондугун белгилеген.
