Улуттук банк Бишкек шаарындагы 2 акча алмашуу бюросуна айып пул салды
КРнын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарындагы эки алмашуу бюросу жоопко тартылды.
Улуттук банктын басма сөз кызматынан кабарлагандай, ар бир акча алмашуу бюросуна 55 000 сом өлчөмүндө айып пул салынды. Ал эми алар кайсыл талаптарды аткарбай койгондугу тууралуу маалымат ачыкталган жок.
Азыркы тапта Улуттук банктын расмий лицензиясына ээ болуп, Кыргызстандын аймагында акча алмаштыруу ишмердүүлугун жүргүзүп жаткан 825 алмашуу бюросу бар.
