Банктар

Айыл чарбасын өнүктүрүүгө 2 млрд сомдон ашык каражат бөлүндү

Айгерим Качкынбекова

13 мар. 2026 12:04

Айыл чарба тармагын өнүктүрүү жана фермерлерди колдоо максатында бир катар мамлекеттик долбоорлор ишке ашырылууда. Бул программалар айыл чарба өндүрүшүн кеңейтүүгө, заманбап технологияларды киргизүүгө жана мал чарбасын өнүктүрүүгө багытталган. Бул тууралуу Айыл чарба министрлигинен билдиришти.

Долбоорлорду ишке ашырууда фермерлерге жеңилдетилген каржылык колдоо көрсөтүүдө "Айыл Банк" ААКнегизги өнөктөштөрдүн бири болуп саналат. Банк аркылуу дыйкандарга жеңилдетилген насыялар берилип, айыл чарба өндүрүшүн өнүктүрүүгө шарт түзүлүүдө.

Учурда мамлекеттик колдоонун алкагында "Айыл чарбасын каржылоо – 14" долбоору ишке ашырылууда. Долбоордун жалпы бюджети 1 млрд 224 млн сомду түзөт. Анын алкагында өсүмдүк өстүрүү жана мал чарбачылыгы үчүн 1 млн сомго чейин, ал эми сууну үнөмдөөчү технологияларды киргизүү үчүн 3 млн сомго чейин каржылык колдоо каралган.

Мындан тышкары, "Агроөнөр жай комплексин каржылоо" долбоору ишке ашырылууда. Долбоордун бюджети 227,6 млн сомду түзөт. Анын алкагында фермерлерге 5 млн сомго чейин, ал эми агрегациялык ишмердүүлүк жүргүзгөн субъекттерге 300 млн сомго чейин каржылык колдоо көрсөтүлөт.

Ошондой эле "Асыл тукум мал чарбасын өнүктүрүү" долбоору ишке ашырылууда. Долбоордун бюджети 616 млн сомду түзөт. Анын алкагында асыл тукум заводдорго жана фермаларга, ошондой эле импортерлорго 20 млн сомго чейин, жасалма уруктандыруу техниктерине 2 млн сомго чейин, фермерлерге асыл тукум мал сатып алуу үчүн 20 млн сомго чейин каржылык колдоо каралган.

Бул долбоорлор айыл чарба тармагын модернизациялоого, өндүрүш көлөмүн көбөйтүүгө жана фермерлердин экономикалык мүмкүнчүлүктөрүн кеңейтүүгө багытталган.

Мындан тышкары окуңуз

Кыргызстан, Өзбекстан компанияларынын ортосунда 500 миң долларлык келишим түзүлдү

Ташкент шаарында Кыргызстандын Соода өкүлчүлүгүнүн көмөгү менен ата мекендик "Алайку Органикс" ЖЧКсы жана өзбекстандык Alaiku ЖЧКсы фирмасынын ортосунда 500 миң долларлык экспорттук келишим түзүлдү. Эки өлкөнүн бизнес өкүлдөрүнүн ортосунда түзүлгөн мындай келишимдер мамлекеттердин соода-экономикалык кызматташтыгын өнүктүрүүдө маанилүү кадам болуп саналат. Буга чейин Кыргызстандын Соода өкүлчүлүгү компаниянын продукциясын Өзбекстан

1-апрелден тарта медиктердин айлыгы 100 пайызга көбөйөт – Мамадалиев

1-апрелден тарта медицина кызматкерлеринин айлыгы 100 пайызга көбөйтүлөт. Бул тууралуу бүгүн Жогорку Кеңештин жыйынында саламаттык сактоо министринин орун басары Тилек Мамадалиев билдирди. Анын айтымында, бул чечим дарыгерлердин көп жылдан бери көтөрүлүп келген негизги көйгөйлөрүнүн бирин чечүүгө багытталган. Ошондой эле алыскы аймактарда иштеген медицина кызматкерлерин колдоо боюнча кошумча чаралар көрүлүүдө. Маселен,

Фейк аккаунттар аркылуу каралагандар мыйзам чегинде жоопко тартылат

Фейк аккаунттар аркылуу каралоо иштерине каршы мыйзам чегинде чаралар көрүлөт. Бул тууралуу ички иштер министринин орун басары Нурбек Абдиев Жогорку Кеңештин жыйынында билдирди. Анын айтымында, мамлекетти жана жогорку кызмат адамдарын каралаган фактылар боюнча тиешелүү иштер жүргүзүлүп жатат. Абдиев белгилегендей, жакында кармалган аял эки фейк аккаунт ачып алып, мамлекетке карата жалган

Өлкө аймагында автожолдорду тазалоо жана оңдоо иштери жүрүүдө

Транспорт жана коммуникациялар министрлигине караштуу жол тейлөө ишканалары тарабынан жергиликтүү жана эл аралык маанидеги автожолдорду ирээтке келтирүү иштери жүргүзүлүүдө. Бул тууралуу ведомстводон билдиришти. Министрликтен билдиришкендей, кышкы тейлөөнүн жыйынтыгынан кийин жол жээктерин тазалоо иштери жүргүзүлүп, атайын техниканын жана кол күчүнүн жардамы менен жол бетиндеги чаң-топурактар тазаланып, парапеттер менен бордюрлардын негиздери жууп-тазаланды.