Фейк аккаунттар аркылуу каралагандар мыйзам чегинде жоопко тартылат
Фейк аккаунттар аркылуу каралоо иштерине каршы мыйзам чегинде чаралар көрүлөт. Бул тууралуу ички иштер министринин орун басары Нурбек Абдиев Жогорку Кеңештин жыйынында билдирди.
Анын айтымында, мамлекетти жана жогорку кызмат адамдарын каралаган фактылар боюнча тиешелүү иштер жүргүзүлүп жатат.
Абдиев белгилегендей, жакында кармалган аял эки фейк аккаунт ачып алып, мамлекетке карата жалган маалыматтарды таратып келген.
"Бул факт боюнча ал кылмыш жоопкерчилигине тартылат. Ар бир жарандын кайрылуусу боюнча тиешелүү иш-чараларды жүргүзөбүз. Эгер аккаунт ачып алып жамандаган учурлар аныкталса, мыйзам чегинде чаралар көрүлөт", — деди ал.
