Кыргызстандагы эки коммерциялык банкка айып пул салынды
Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн эки коммерциялык банкка Улуттук банк тарабынан атайын чара колдонулду.
Улуттук банк тараткан расмий маалыматка караганда, ар бир коммерциялык банкка 55 000 сом өлчөмүндө айып пул салынды. Бирок, маселе кайсыл коммерциялык банк жана кандай мыйзам талаптарын бузгандыгы тууралуу болуп жаткандыгы ачыкталган жок.
Эске салсак, Кыргыз Республикасынын аймагында 24 коммерциялык банк жана алардын филиалдары ишмердүүлүк жүргүзүшөт.
