«Соцсервис» мамлекеттик ишканасынын директору 38 млн сомду «жеп койгон» - УКМК
«Соцсервис» мамлекеттик ишканасынын кызматкерлери 38 млн сомду “жеп коюшкан”. Бул тууралуу УКМКнын маалымат кызматы билдирди.
2020-жылы КРнын Өкмөтү мурдагы Санариптик өнүктүрүү министрлигинин курамына кирген «Соцсервис» МИге бир катар министрликтерге маалыматтык системаларды иштеп чыгуу жана ишке киргизүү үчүн 101 млн 900 миң сом бөлгөн.
«Соцсервис» мамлекеттик ишканасынын директорунун жана бул
министрликтердин жооптуу кызматкерлеринин кылмыштуу аракеттеринин натыйжасында, республиканын бюджетине 38 млн 740 миң сом зыян келтирилген, ал эми “Санариптештирүү» бүгүнкү күнгө чейин ишке ашырылган эмес”, – дейт УКМК.
Ошондой эле аталган мекеме сотко чейинки өндүрүштүн алкагында чогултулган материалдардын негизинде 2022-жылдын 30-августунда «Соцсервис» мамлекеттик ишканасынын мурдагы директору А.А.Т. кармалып, УКМКнын СИЗОсуна киргизилип, иликтөө иштери жүрүп жатканын кошумчалады.
