УКМКнын Талас облусу боюнча башкармалыгы Талас шаарында көп кабаттуу үй курууга 91.4 млн сомго тендер жарыялады. Бул тууралуу мамлекеттик сатып алуулар порталында маалымат чыкты.

Маалыматка ылайык, 105 А сериядагы бардык коммуникациялары менен, долбоордук документацияга ылайык, 5 кабаттуу чоң панелдүү, даяр ачкычтары менен үйдүн курулушу 2023-жылдын июнь айында бүтүшү керек.

Эскерте кетсек, 24-августта Бишкек шаарындагы жаңы курулган турак жайдагы 306 батир УКМК кызматкерлерине берилген болчу.

Мындан тышкары, жакында эле «Апрель» маалымат каражатынын редакциясы Ысык-Көл облусун өнүктүрүү фонду «Кумтөрдүн» акчасына УКМКнын Ысык-Көлдөгү райондук бөлүмдөрүнүн муктаждыктарын тейлеп, аларга тосмолорду, байланыш линияларын, сантехникаларын жана чатырын алмаштырып, алардын короолорун көрктөндүрүп, имараттарын оңдоп, унаа сатып берип жатканы тууралуу иликтеп чыккан эле. Жада калса, унааларды тейлөө станциясын, унаа жуучу жайларды да куруп жатканы белгилүү болгон.