Бишкектин Ленин райондук соту Маданият маалымат жана жаштар саясаты министрлигинин «Азаттык медиасына» каршы доо арызын колдоп, анын ишмердигин токтотуу чечимин чыгарды. Бул туурадуу Kaktus.media басылмасы билдирди.

Чечимди сот Чолпон Каримбаева кабыл алды.

Эске салсак, үстүбүздөгү жылдын январь айында Маданият министрлиги «Азаттык медиасынын» массалык маалымат каражаты катары ишмердүүлүгүн токтотуу боюнча Ленин райондук сотуна доо арыз менен кайрылган.

Арызда министрлик кыргыз-тажик чек арасындагы жаңжал тууралуу видео өчүрүлө электигин жана ал социалдык тармактарга тарап жатканын билдирген.