Акылбек Жапаров Кыргызстандын финансы секторун өнүктүрүүнүн үч факторун атады
Министрлер кабинетинин төрагасы Акылбек Жапаров Бишкек эл аралык финансы форумунда (BIFF 2023) Кыргызстандын финансы секторун өнүктүрүү саясатын жүргүзүүгө мүмкүндүк берген негизги үч факторду атады.
Анын айтымында, мындай негизги факторлордун бири – калктын жогорку ишенимине ээ болгон өзүнүн улуттук валютасы – кыргыз сомунун болушу.
«Мындай экинчи фактор өлкөдө өз алдынча жүргүзүлүп жаткан фискалдык жана акча-кредит саясаты. Үчүнчү фактор – бул ички төлөмдөрдү жана транзакцияларды жүргүзүүгө мүмкүндүк берген Элкарт улуттук төлөм системасынын болушу», - деди Жапаров.
Жапаров кошумчалагандай, банк сектору финансы рыногун өнүктүрүүдө маанилүү ролду ойнойт.
