Бийлик

«Кыргызалтындын» ишмердүүлүгүндө 12.2 млн сомго каржылык мыйзам бузуулар аныкталды

Чынгыз Керимбеков

12 сент. 2023 17:25

Ысык-Көл облусунун Балыкчы шаарында жайгашкан «Кыргызалтын» ААКнын автотранспорт ишканасы филиалынын (АТПФ) жооптуу адамдары тарабынан акча каражаттарын мыйзамсыз эсептен чыгарууга байланышкан коррупциялык көрүнүштөрдүн белгилери жана фактылары аныкталды. Бул тууралуу УКМК билдирди.

Тергөөнүн жүрүшүндө 2020-жылдан бери АТПФтин балансында турган ондогон атайын техникалар жана унаалар иштебей турганы аныкталган. Бирок, буга карабастан АТПФтин жооптуу адамдары тарабынан жогоруда аталган техникалар үчүн тетиктер жана күйүүчү-майлоочу майлар сатылып алынып турган.

Ошондой эле, 2019-2021-жылдар аралыгында «Кыргызалтын» ААКнын автотранспорт ишканасы филиалынын мурдагы директору М.М.М. менен жеке ишкер И.Р.К. темир жол рельстерин оңдоо үчүн зарыл болгон материалдарды алып берүүгө жана аларды оңдоо (монтаждоо жана демонтаждоо) боюнча иштерди жүргүзүүгө жасалма келишимдерди түзүшкөн. Бирок, подрядчы тарабынан материалдарды жана жогоруда аталган оңдоо иштери жүргүзүлгөн эмес, ал филиалдын жооптуу адамдарынын өтүнүчү менен гана сынакка катышкан. Подрядчы анын банк эсебине которулган бардык каражаттарды «Кыргызалтын» ААКнын автотранспорт ишканасы филиалынын кызматкерлерине өткөрүп берген.

Ошону менен, 2020-жылдын 1-январынан 2023-жылдын 1-августуна чейинки аралыкта «Кыргызалтын» ААКнын АТПФтин ишмердүүлүгүндө жалпы суммасы 12.2 млн сомду түзгөн финансылык мыйзам бузуулар аныкталган.

Козголгон кылмыш ишинин алкагында ишкананын мурдагы директору жана башкы инженери Кылмыш-жаза кодексинин 245-берененин 4-бөлүгүнүн 3-пунктунда (өзгөчө оор өлчөмдө зыян келтирүү менен жасалган коммерциялык же башка уюмдардын кызматчыларынын ыйгарым укуктарын кыянаттык менен пайдалануусу) каралган кылмыш жасаган деген шек менен убактылуу кармоочу жайга киргизилди.

Учурда тергөө иштери жүрүп жатат.

Мындан тышкары окуңуз

Кыргызстанда эң маанилүү эки ири долбоор ишке ашып жатат – А.Касымалиев

Кыргызстанда азыр бир катар ири инвестициялык долбоорлор ишке ашырылып жаткаын МинКаб төрагасы Адылбек Касымалиев "Мир" телеканалына берген маегинде билдирди. Анын айтымында, учурда Кытай – Кыргызстан – Өзбекстан темир жолу ишке ашууда. Бул долбоор бир гана Кыргызстан үчүн эмес, бүтүндөй аймак үчүн маанилүү. Бул Чыгыш менен Батышты байланыштырууга жол ачат. "

Бишкек ШКУнун кезенктеги жыйынын жаңы жүз менен тосот – А.Касымалиев

Бишкек алдыда Шанхай кызматташтык уюмунун кезектеги жыйынын жаңы инфраструктура менен тосорун МинКаб төрагасы Адылбек Касымалиев “Мир” телеканалына берген маегинде билдирди. Төраганын айтымында, Кыргызстан алдыда ШКУ саммити, Дүйнөлүк көчмөндөр оюндары сыяктуу масштабдуу иш-чараларды өткөрөт. Буга карата аэропорттон келүүчү атайын жол, конгресс-холл жана 51 миң көрүүчүгө ылайыкталган стадион курулушу жүрүүдө. “Азыркы учурда

Нарын облусуна 5 жылда 6,8 млрд сомдук инвестиция тартылды

Акыркы 5 жылда Нарын облусуна 6 млрд 800 млн сомдук чет элдик инвестиция тартылганын президент Садыр Жапаров Нарын шаарында эл менен жолгуп жатып билдирди. Өлкө башчысынын айтымында, Теңир-Тоо — энергетикалык дарамети жогору аймак. "Нарын дарыясынын зор потенциалы облуста энергия булактарын өндүрүүнүн келечегин кеңейтет. Учурда кубаттуулугу 100 МВттык Куланак ГЭСи курулууда.

Нарындагы ипотекалык үйлөр жакында курулуп бүтөт

Нарын облусунда салынып жаткан ипотекалык үйлөрдүн курулушу жакында аяктарын Нооруз майрамында куттуктоо сөзүн сүйлөп жатып президент Садыр Жапаров билдирди. Өлкө башчысынын айтымында, бүгүнкү күнгө чейин “Теңир-Тоо” өнүктүрүү фондуна 2 млрд сомго жакын акча каражаты топтолуп, түшкөн каражаттар аймакты өнүктүрүүгө, анын ичинде Нарын облусунда бир катар социалдык жана инфратүзүмдүк долбоорлорго багытталууда.