Бүгүн, 13-сентябрда Жогорку Кеңештин жыйынында Алымкадыр Бейшеналиевди Саламаттык сактоо министри, Нурия Кутнаеваны Санариптик өнүктүрүү министри, ал эми Гүлнара Баатырованы Эмгек социалдык камсыздоо жана миграция министри кызматына дайындоого макулдук берилди.
Талкуунун жүрүшүндө депутатттар аймактардагы медицина кызматкерлеринин кесиптик деңгээлин жогоруталуу, жаңы аппараттар менен жабдуу, медициналык-социалдык эксперттик комиссияны реформалоо боюнча сунуштарын беришти.
Ал эми, депутат Айбек Осмонов Ош шаарына келген кымбат баалуу компьютердик томография керектүү имараттын жоктугунан эки жылдан бери иштебей турганын айтып, Алымкадыр Бейшеналиевге кайрылды. Депутаттын суроосуна жооп берген Саламаттык сактоо министринин милдетин аткаруучу бул багытта керектүү каражат толук бөлүнүп берилгенин кошумчалады.
