Бийлик

Төраганын орун басары Нурбек Сыдыгалиев Жумгал районуна иш сапары менен барды

Чынгыз Керимбеков

15 нояб. 2023 14:20

Жогорку Кенештин төрагасынын орун басары Нурбек Сыдыгалиев Жумгал районундагы социалдык объектилердин жана ички жолдордун курулуш иштери менен таанышты. Бул тууралуу парламент билдирди.

Алгач эл өкүлү Жумгал айыл аймагына караштуу Жумгал айылындагы 75 орундуу бала бакчанын, Түгөл-Сай айыл аймагына караштуу Түгөл-Сай айылындагы спорт залдын жана «Урууке» атындагы бала бакчасынын оӊдоп түзөө иштери менен таанышып, Таш-Дөбө айылындагы 225 орундуу мектептин, Байзак айыл аймагына караштуу Баш-Кууганды айылындагы 275 орундуу мектептин ашканасынын жана өтмө галериясынын, Миӊ-Куш айыл аймагына караштуу Өрнөк айылындагы И.Орозалиев атындагы орто мектептин 150 орундуу окуу корпусунун курулуш иштерин жеринде көрдү.

Архитектура, курулуш жана турак-жай-коммуналдык чарба мамлекеттик агенттигинин Турак жай-жарандык курулуш депратаментинин өкүлүнө курулштарды тыкыр көзөмөлгө алууну талап кылды.

Алсак аталган социалдык обьектердин курулуш иштерине Нурбек Сыдыгалиевдин демилгеси менен республикалык бюджеттен керектүү каражат бөлүнүп берилген.

Ошондой эле Нурбек Сыдыгалиев Куйручук-Кызарт айыл аймагына караштуу Базар-Турук БДРдин курулушунун долбоорун көрдү. Муну менен катар Байзак айыл өкмөтүнө караштуу Кара-Кече участогуна БСРдин курулушун жүргүзүүгө сунушталган жерди жана Түгөл-Сай айыл аймагынын караштуу Түгөл-Сай БСРинин жүрүп жаткан курулуш иштери менен таанышып келди.

Иш сапардын алкагында депутат Куйручук-Кызарт айыл аймагына караштуу Жаӊы-Арык айылынын жолунун абалы, Жумгал айыл аймагына караштуу Чоӊ-Дөбө айылынын, Түгөл-Сай айыл аймагынын айыл өкмөтүнө караштуу Таш-Дөбө айылынын жолдорунун курулуштарынын сапаты жана элдин кайрылууларына ылайык, Куйручук-Кызарт айыл аймагына караштуу Эпкин-Баш-Кууганды участкасынын Куйручук айылындагы жолдун курулуштук долбооруна кошумча өзгөртүү киргизүүнү Транспорт жана коммуникациялар министринин биринчи орун басары Талантбек Солтобаевге табыштады.

Ошондой эле Нурбек Сыдыгалиев Миӊ-Куш айыл аймагына караштуу Кеӊ-Суу айылына электр жарыгын тартуу иштери менен таанышып, Кыргыз Республикасынын Президентинин Нарын облусундагы ыйгарым укуктуу өкүлүнүн биринчи орун басары Адыл Сапаровду жүргүзүлүп жаткан иштерди кыш айларына чейин бүтүрүүгө чакырды.

Иш сапардын аягында төраганын орун басары Жумгал райондук мамлекеттик администрациясынын жыйындар залында райондун аймагындагы айыл өкмөт башчылары жана мекеме жетекчилери менен жолугушуу өткөрүп, мектеп окуучуларынын ЖРТга карата даярдыгын жетекчилерди көзөмөлгө алууну талап кылды.

Мындан тышкары окуңуз

ЖК төргагасынын 2024-жылдагы кирешеси 3 млн 685 миң сом болгон

Жогорку Кеңештин VII жана VIII чакырылыштарынын Төрагасы Нурланбек Тургунбек уулунун 2024-жылдагы кирешеси 3 млн 685 миң 138 сомду, ал эми чыгымдары 1 млн 300 миң сомду түзгөн. Бул тууралуу маалымат Мамлекеттик салык кызматы анын декларациясына таянып билдирди. Төраганын менчигинде: * аянты 1 500 чарчы метрди түзгөн үй жанындагы жер тилкеси; * аянты

Быйылкы жылдын өндүрүштүк календары кандай бекиди?

2025-жылдын декабрь айынын аягында Эмгек, социалдык камсыздоо жана миграция министрлиги 2026-жылга карата өндүрүштүк календарды бекитти. Календарга ылайык, төмөнкү күндөр мамлекеттик майрамдар болуп белгиленди: * 1-январь — Жаңы жыл; * 23-февраль — Ата Мекенди коргоочулардын күнү; * 8-март — Аялдардын эл аралык күнү; * 21-март — Элдик майрам Нооруз; * 7-апрель — Элдик Апрель революциясынын күнү; * 1-май — Эмгек майрамы; * 5-май — Кыргыз

Францияда «Горетти» аттуу циклондон улам 380 000 үй жарыксыз калды

Францияда күчтүү «Горетти» аттуу циклонундун кесепетинен 380 000 үй электр жарыгысыз калды. Негизинен өлкөнүн түндүк-батышындагы Нормандия аймагы жабыркагандыгын BFMTV телеканалы кабарлады. Маалыматка ылайык, Франциянын түндүк-батышындагы Бретань аймагында 21 000 үй, Пикардияда — 18 500 үй, ал эми Иль-де-Франс аймагында 13 500 үй жарыксыз калган. Буга чейин 2026-жылы Жер шарында магниттик бороон-чапкындар

Кыргыз асыл тукум мамлекеттик заводунда силос даярдоо күчөтүлдү

Мамлекеттин колдоосу менен Кыргыз асыл тукум мамлекеттик заводунун чарбасы акыркы жылдары жанданып, өндүрүштүк ишмердүүлүгү кеңейүүдө. Чарбанын базасында машина-трактордук станция түзүлүп, айыл чарба иштерин өз күчү менен жүргүзүү мүмкүнчүлүгү камсыздалган. Анын алкагында жергиликтүү жүгөрүнүн "Ала-Тоо" сорту өстүрүлүп, ар бир гектар жерден 40–50 тоннага чейин сапаттуу силос алынып жатат.