Кадамжайдагы Кожо-Ашкан дарыясы 35 млн сомго бекемделди
Баткен облусунун Кадамжай районунун Кожо-Ашкан дарыясынын 880 метр аралыгы бекемделди. Анын ичинен Чоң-Гара айылында 500 метр, Кызыл-Коргон айылында 380 метр бекемделди. Бул тууралуу облустук өкүлчүлүктөн билдиришти.
Бул жумуштар үчүн 2025-жылы республикалык бюджеттин эсебинен 20 млн сом, 2024-жылы Баткен облусун Өнүктүрүү фондунан 15 млн сом акча каражаты бөлүнгөн.
Кожо-Ашкан дарыясынын бекемделбей калган бөлүгү Баткен облусун 2021-2035 жылдарга өнүктүрүү планына кирген. Алдыда дагы 3380 метр аралыкты бекемдөө зарыл.
Белгилей кетсек, дарыя бекемделгенге чейин, сугат мезгилинде суунун көлөмү 300 кубка чейин көбөйүп, дыйкандардын эгин талаааларын жууп кеткен учурлар көп болгон.
